Wick-Mosc Feng馮．威克瑪斯『小翼．小瀧』幸福宣言

白羊座同學

　　響新學期，白羊座的同學仔好似吸濕大笨象咁，吸收力特強，雖然話未去到突飛猛進的成績，不過今個學年所吸收的知識，響往後的日子就會好有用，所以呢今學年最適合採用踏實的方式學習。


金牛座同學

　　對於金牛座的同學仔來講，今個學年平平淡淡，冇乜特別事會發生，相對講呢兩年同屋企人之間好多煩擾事，學校會係你一個可以好好抖下氣，休息下的地方。


雙子座同學

　　雙子座就冇咁好彩啦！學習運比起其他星座的人就差一ＤＤ，就算連一Ｄ好簡單的內容，理解起上來都覺得有一定的困難，唔緊要，小小苦楚等於激勵嘛！好好面對難關，明天會更好！加油啊同學！


巨蟹座同學

　　響新學期裡面，巨蟹座的朋友唔係太算得到幸運女神的眷顧，當然亦冇乜負面能量纏繞你，今個學年最好堅守住將勤補拙呢個原則，努力Ｄ，千祈咪諗住靠「扶碌」過關喎！


獅子座同學

　　各位獅子座的同學仔，響新學年裡面，創造力十足，無論響讀書又或者係活動方面都有好多鬼馬念頭，會有唔錯的表現；不過要留意係不嬲都有Ｄ鬆散的你，今年會更加鬆散，唔好咁懶惰呀！


處女座同學

　　基本上響讀書方面，新學年各位處女座同學仔來講係冇乜特別問題，不過反而要好好留意的係今個學年響同學校入面的人相處時是非就較為多一Ｄ，仲會有Ｄ麻煩人響你背後攪小動作，自己多多留意啦！


天秤座同學

　　天秤座的同學仔讀書運係最好，老師係咁依講下你就全部明白晒，用半成功力就有十年收獲，絕對地話頭又醒尾，今個學年讀書會大有進步！　　

　　

天蠍座同學

　　同處女座一樣，天蠍座的同學基本上響讀書寫字方面係均笆全全冇問題，止不過一講到今個新學年Ｄ是非就真係多到數都數唔晒，所以記得響今個學年裡面宜保持低調啦！


人馬座同學

　　講到人馬座的同學仔呢，就真係恭喜晒啦！事關要數12個星座入面講緊最好運的就非人馬座莫屬啦！不但止係讀書方面，連課外活動，甚至乎講緊同學校內的同學仔相處都會好稱心！


山羊座同學

　　山羊座的同學仔響新學年入面應該好好定立自己的目標，例如想攪好邊Ｄ科目，又或者係想試下投入一Ｄ課外活動方面之類，記得要好好諗下啦！　　

　　

水瓶座同學

　　講到成績方面水瓶座的同學仔可以保持得到舊有的成績，即係中規中矩啦！不嬲考開第１的就繼續第１，考開第尾的就繼續考第尾啦！而最開心的係響今個學期當中會識到好多新朋友，而且社交運亦都相當之唔錯！

　　

雙魚座同學

　　新學年對雙魚座同學仔來講會覺得好似好唔順利咁，有好多功課要做，有好多活動要參加咁，雖然話今個學年會好忙好辛苦，不過會得到外界，好似係老師呀又或者係同學仔對你都會有一致好評